സ്നേഹമഴ
അറിയാതെ പാടിയോ മഴമുകിലേ,
ഞാന് അരുമയായോതിയ ഹൃദയരാഗം..
പ്രിയമോടെ മൂളിയോ പൂന്തെന്നലേ,
എന് പ്രണയാര്ദ്രഗീതത്തിന് മധുരഭാവം ..
ആത്മാവിന് നിത്യ സുഗന്ധമായി
ആദ്യാനുരാഗമേ നീയുണര്ന്നു…
സൗവര്ണ്ണസന്ധ്യ തന് മോഹമായി
എന് തിരുനെറ്റികുങ്കുമം പുഞ്ചിരിച്ചു..
നീ മഴയായി പാടിയ സന്ധ്യകളും,
നിന് നിഴലായി മാറിയ വീഥികളും,
പ്രിയചുംബനം നല്കി വിട പറഞ്ഞു
ആ തളിര്വാകത്തണലിലെ പൂനിലാവും…
No comments:
Post a Comment