വെള്ളാരംകല്ലുകൾ ചേർത്തു
വെച്ച പാതയിലൂടെ,
നമുക്കൊരു യാത്ര പോകണം,
സ്നേഹം പൂക്കൂട നിറയ്ക്കുന്ന
ബാല്യത്തിൻ ആരാമം കാണാൻ,
നിയമങ്ങൾ കല്ലെറിയാത്തരാജ്യത്തെ
രാജാവും റാണിയുമാവാൻ,
നക്ഷത്രക്കുഞ്ഞിനൊപ്പം ഊഞ്ഞാലുകെട്ടി
ആകാശവും ഭൂമിയുമാവാൻ ,
അമ്പിളിപ്പെണ്ണിന്റെ, മുല്ലപ്പൂമാല ചൂടാൻ,
നിന്റെ കൈയുംപിടിച്ചൊരു
യാത്രപോകണമെനിക്ക്,
സൂര്യനും താരവുമറിയാതെ,
നിഴലും നിലാവുമറിയാതെ,
ആഴിയും തീരവുമറിയാതെ ,
നമുക്ക് മാത്രമായി ഒരു യാത്ര...
No comments:
Post a Comment