എന്നുണ്ണിക്കണ്ണന് നൈവേദ്യമാകുവാന്
എന് ജന്മ നവനീതമേകുന്നു ഞാന്
മുരളികയൂതുമെന് കാര്മുകില്വര്ണ്ണന്റെ
മുരളി തന് ഗാനവും ഞാന്..
വനമാലി തന്നുടെ വനമാലയാകുവാന്
പൂവായ് പിറക്കുന്നു ഞാന്
മഞ്ഞപ്പട്ടുടയാട ചാര്ത്തുമെന് കണ്ണന്റെ
കാല്ത്തളയാകുന്നു ഞാന്..
എന് പ്രിയ കൃഷ്ണന്റെ നെറുകയിലാടുന്ന
ഒരു മയില്പ്പീലിയും ഞാന്..
ആ പുണ്യ പദതളിര് കാണാന് കൊതിക്കുന്ന
കാളിന്ദി രേണുവും ഞാന്...
എങ്കിലും, ദുഃഖങ്ങള് കാളിയനായി ആടുന്ന
ഈ ജന്മ നദിയിലെ ഓളങ്ങളെല്ലാം
ഇന്നും തേടുന്നു കണ്ണാ നിന്നുടെ
നര്ത്തനം ചെയ്യുന്ന പൂവിതള് പാദങ്ങള്..
5 comments:
നല്ലൊരു ഗാനമാകുമെന്നു തോന്നുന്നു. ആരെങ്കിലും പാടി കേള്പ്പിക്കുമോ?
നല്ല വരികള്..പ്രത്യേകിച്ച് കണ്ണന്നെ കുറിച്ചാകുബോള്...കൂടുതല് ഇഷ്ടം.
കണ്ണനെകുറിച്ചാകുമ്പോള് അത് നല്ലൊരു തൃമധുരം തന്നെ
നല്ല വരികള്
Thank You very much everyone.
Post a Comment