ഇന്നെന്തേ പാട്ടിനീതേന്മധുരം,
ഇന്നെന്തേ പൂവിനിത്ര ചന്തം
ഇന്നെന്തേയാകാശപ്പൂവനിയിൽ,
പണ്ടൊന്നും കാണാത്ത പൊൻവസന്തം?
ഇന്നെന്തേ പൂവിനിത്ര ചന്തം
ഇന്നെന്തേയാകാശപ്പൂവനിയിൽ,
പണ്ടൊന്നും കാണാത്ത പൊൻവസന്തം?
ഇളംമഞ്ഞുചൂടുന്ന താഴ്വരയിൽ,
ഇന്നെന്തേ കാറ്റിനു മലർസുഗന്ധം,
ഇന്നെന്തേ, പൂന്നിലാപ്പാൽപൊയ്കയിൽ,
നീരാടുംപെണ്ണിനുമാത്മഹർഷം?
ഇന്നെന്തേ കാറ്റിനു മലർസുഗന്ധം,
ഇന്നെന്തേ, പൂന്നിലാപ്പാൽപൊയ്കയിൽ,
നീരാടുംപെണ്ണിനുമാത്മഹർഷം?
മയിൽപ്പീലി തോൽക്കും നിൻമനസ്സിൽ
മലരായ് മഴയൊന്നുപൊഴിഞ്ഞതാണോ?
പവിഴങ്ങളൊളിക്കുംനിൻമിഴിയിൽ,
പാതിരാതാരകൾ ഉണർന്നതാണോ?
മലരായ് മഴയൊന്നുപൊഴിഞ്ഞതാണോ?
പവിഴങ്ങളൊളിക്കുംനിൻമിഴിയിൽ,
പാതിരാതാരകൾ ഉണർന്നതാണോ?
ഹൃദയങ്ങൾമൂളുംപാട്ടുകേൾക്കാൻ
സൗഗന്ധികങ്ങൾ തളിർത്തതാണോ?
അത്രമേൽ നിന്നെ സ്നേഹിക്കയാൽ,
ഇന്നെന്നാത്മാവിൻതേന്മുല്ല പൂത്തതാണോ?
സൗഗന്ധികങ്ങൾ തളിർത്തതാണോ?
അത്രമേൽ നിന്നെ സ്നേഹിക്കയാൽ,
ഇന്നെന്നാത്മാവിൻതേന്മുല്ല പൂത്തതാണോ?
No comments:
Post a Comment